منتدي حكاوي


 
الرئيسيةالتسجيلدخول
.


هذه الرسالة تفيد أنك غير مسجل .

و يسعدنا كثيرا انضمامك لنا ...

للتسجيل اضغط هـنـا


شاطر | 
 

 طلعة يم عويضة

اذهب الى الأسفل 
كاتب الموضوعرسالة
HAMADA
 
 
avatar

ذكر
عدد المشاركات : 213
تاريخ التسجيل : 20/04/2009
العمل/الترفيه : طالب

مُساهمةموضوع: طلعة يم عويضة   الخميس يونيو 25, 2009 7:09 am

صبااح الخير ياعرب >>> اي صبح الناس ليل خخخخخ

اخباركم ياعضاءمرسال الحب ؟؟؟

ماراح اطولها معكم بدخل بالسالفه على طوول





يقولكم مره من المرات كنا طالعين احنا واعمامي طلعه بر وشوي وحركات
كنت انا وبنات اعمامي جالسين ومروقين وضحك وانواع الصرقعه .
وشوي كذا جايين اخوي التسبير ومعه ثنين من عيال عماني
وكل واحد معه بانشي وطاق اللثمه
قال ايش <مابي التربان تدخل عيني > >>>>>>> اقول كفاك مهايط انت ويااااه .
وانا ابي اركب بانشي ومسويه زحمه وحووووووووووووووسه
وخيي الله يبقيه من ثامن المستحيلات يعطيني بانشيه .
لأني قد خسرته بانشي .
بس والله انا اللي بغيت اروح في خبر كان >>>> مااقول الا الله لايعكسنا بس
الاوتجيني ذيك الفكره اللي احس ان دخلتها في راسي غلط
واروح لولد عمي الي مابعد وصل سن السابعه
قلتله روح قول لبيي (الله يطولنا بعمره يارب)
الحريم يبون غريضات عشان العشا .
ويروح ابوي ويدق على اخوي التسبير خالد ويقوله شوف
امك وش اللي يبونه من المحطه وخذ موتري >>>وش الحل الحين مايبون اغراض ولا شي.
واروح لميمتي واتمسكن عندها وارتجيها لي ساعه وامي تطالع سلامات وش تبي ذي .
قلت: صرفي خالد ابوي قاله انكم تبون اغراض للعشا.
قالت: اي اغراض اي بطيخ انتي الثانيه بعد؟!
قلت : بيبسي او كولا
قالت: واللي جايبينه تو .
قلت : ابي بطاقه شحن
قالت: اقول تقلعي بس .
وارجع لبنات عماني واانواع التحطيم في وجهي
بنت عمي جايتني سلامات لودي ليش كل ذا التحطيم ؟!
والله اولا شفنا البانشي حق اخوتس خالد فاضي ليش ماطلبتيه ؟!
>>>>شوفو الهياط على اصوله .
قلتلها : لا وييييين بلاش مانبيه خلينا كذا حلوين مع بعض جلسه بنات وش زينها .
بنات عماني يطاااالعون هذي ونوس تقول كذا واغلب الحروب تقوم وهي على راسها وش جايها؟!
قلت : لامافيه لاسالفه ولاشي.
الاوشوي كذا جايني ولد عمي الصغير
قال:ونوس خالد يبيس
قلت:هاااااااااااه>>مو مصدقه وش عنده؟! قال:مدري عنه!
واروح وافوض امري لله
قلت :خير ناديتني!
قال :جايبلك بطاقه شحن
استغربت بطاااقه >>>>>وتذكرت امي الله يخليها لنا.
قلت: مسرع رحت المحطه؟!
قال:مارحت ولاهم يحزنون لقيتها في جيبي
قلت: وش نقزها عندك؟!
انت مو مسبوق الدفع!
قال :وانا وش دريني عنها الزبده تبينها ولا لا ؟!
قلت: والله رزق وجانا مانرده..
الا وشوي تسذا جاين المبزره مستأجريلهم دبابات
انا طنشت الموضوع الاوشوي ماني شايفه الا غبار بنات عماني كل وحده شلحتلها دباب ونسوني>>>يلعن ابووو الجحده بس .
واصوت لبنت عمي ووقفتلي وركبت معها>>>مع اني ودي بواحد لي لحالي بس يقولون الطمع مو زين بس يالله مشيتها .
ياناس انا مو مصدقه الأخت مهديه>>خايفه لايعطونها غرامه خخخخ
قلت:يابنت ريحي نفسك وخليني اسوق عنك .
قالت:اوك.بس تهدين السرعه .
قلت:ابشري من عنوني.
الموهيم واروح اركب قدام واسحب على بنت عمي
من السرعه مي قادره تستوعب اذاكنا لسا بالارض ولا طرنا خخخخخخخخخخخخخخ
وماخليت طعس الا ومريت عليه.
ياناس البنت ماني سامعتلها حس .
وقفت ونزلت وهي متوعده فيني>>>الله يخرجنا بس.
المهم واحرك قلت:يابنت خليها وعليها
وامشي مع منحدر خفيف وبسرعه ياهووووه فيه شي مثقل ع الدباب واطالع خلاف ومالقيت شي استغربت
الايوم اللتفت قدام الا وفيه صخره كبيره بسم الله من وين طلعتلي ذي خلاص مافيه بيني وبينها مسافه قلت بس رحنا مندي
قلت ياإني انقز ويصير بالدباب اللي بيصير والا اني بروح في خبر كان
واللف بأقوا ماعندي >قلت يمكن نسلم انا والدباب .
واتشنقل بالدباب >>>لابالله سلمنا. الا واأشوف امي جايه من بعيد وبنات عماني وعماتي وعالم.
قلت الله لها الدرجه انا مهمه >>>ارحمينا ياشيخه ولا كندليزارايس.
مانتبهت الا والهندي جاي من بعيد يركض((الدباب الدباب)) >>>الأخ خايف على دبابه لايكون صايرله شي.
وامي حلفت اني ماعاد اطب دباب مره ثانيه>>>>> والله فيه ظلم
وانا جالسه وكل واحد وبوه ضحك .قلت :
>>في نفسي طبعا. لايكون يقولون عني هذي اوووم الدلاخه والله حظها دايما نحس > قلت هذي فرصه ابي اوريهم اني مثقفه . مو زي مايقولون .
قلت:تدرون ان العرب اول كانو يعتقدون ان الطماطم خطر
قال ابوي: انتي ورا ماتعظين شحمه وتسكتين



وهذي سالفتي كامله اللي من راسها لساسها تحطيمات


الرجوع الى أعلى الصفحة اذهب الى الأسفل
http://7kawy.own0.com
 
طلعة يم عويضة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي حكاوي :: .•°مـلــتـقــي الـتـرفـيـهـي°•.. :: .•°الصرقعة والفرفشة والشلة°•..-
انتقل الى: